مشاهد من مشاعـــر وجواهــــــــر

مشاعر وجواهر نبدأ






المشهد الاول



الساعه 2 بالليل وفهد يلعب بلوت باالاستراحه طالع من بيتهم من الظهر

رن جواااله ...

( النشبه يتصل بك)

فهد :::: الووووو خيررر

ام فهد :::: وينك ياوليدي يبي يأذن الفجرررر

فهد ::: اف اف انتي بس تبيني اقابل وجهك ..

ام فهد ::: الله يهديك وانا امك والله ماارتاح الا اذا شفتك بالبيت ...

فهد ::: ناااامي نااامي انا مطول

فقل الخط واغلق الجوال

الساعه 3 ونص الفجر .... فهد دخل للبيت وهو مكشر وامه بالصاله تنتظره ...

امه ::: وينك وانا امك ..

فهد ::: وش دخلك انتي .. بس تحققين


امه ::: تعشيت ياوليدي ...

فهد دخل غرفته وصك الباب وطنش سؤالها ..


الام فرشت سجدتهاااا تدعي ل فهد ودموعها تسبق دعائهااااا.







المشهد الثاني

محمد سهران قدام الاب توب

فاتح موقع لرقص البنات

وعنده الفديو مشغل انواع الافلااام اللي تغضب الله وقافل الباب

بالمطبخ زوجة محمد ... تسوي فطايررر وشاهي وتفكر وتدعي يارب تسخر محمد وتهديه

زوجة محمد تطق على محمد بالمجلس


زوجته ::: محمد ياقلبي تعال نتقهوى بالصاله ..

محمد ::: ماتفهمين انا مشغوووول ماني فاضي ..


زوجته ::: بس انا من العصر لحالي وانت بالمجلس ..

محمد ::: روحي كلمي بالتلفون بلاااااا قلق ..

زوجته ::: حرام عليك لنا شهر ماقعدنا مع بعض كل وقتك مشغووول بالمجلس ...

محمد ::: اقول طسي لا تطولينها ( وبدأ يشتم ويلعن)

زوجة محمد خنقتها العبره ورجعت للصاله .. لأنها تخاف يمد يده عليها ويضربهااا






المشهد الثالث


ابوخالد ..

طلع من بيته وقت صلاة الظهر يبي يروح للقهوه يشيش..

قابله جاره (ابو سعود)


ابوخالد صد بوجهه من الجهه الثانيه مايبي يسلم ..


ابوسعود ::: يابو خالد يابو خالد السلام عليكم

وشلونك وش اخبارك ..

ابوخالد :: بخير بخير ..

ابوسعود ::: مانشوفك لنا سنتين جيران ولا نشوف بعض والله

ودنا نتعرف عليك اكثررر ..

ابو خالد ::: انا مشغوووول ... اسمح لي

شغل السياره ومشى وابوسعود واقف ...

ابوسعود يردد الله يهديك يابوخالد ..






شباب بثالث متوسط


يمشوون بالشارع ضحك وسواليف

شافو بسه (اوطه...قطه)

صالح :::بسه بسه حدهاااا

احمد:::اركض انت من هناك لا تهج البسه

صالح ::: الحقهاااا بالحصاة ...

احمد ::: والله لاصيدها واهستر فيهااا

البسه من الروووعه والركض قطعت الشارع

وراحت تحت سياره مسرعه قطعت جسمهااا الضعيف ..